اليوم سأتكلم عن بني آدم يعيش في رينتون واشنتن و مروق دماغو و هادا البني آدم حأتكلم عنه بس عشان أهنيه في كم مناسبه بما أنه يعتبر أحد أخواني المهاجرين و إللي مره واحشني:
الأولى : حصوله على A و +A في جميع المواد و بالتالي ظهرت المناسبه الثانيه ((( ماشاء الله تبارك الله ))) و عقبال عندي
الثانيه : نظراً لحصوله على أعلى الدرجات في جميع المواد فقد تم تعيينه مشرف طلابي في نفس الجامعه(((ألف مبروك ))) برضو عقبال عندي بس مو مشرفه طلابيه
الثالثه : عودة دماغو لرأسه بسلام و بالتالي تم إفتتاح مدونة بني آدم مروق دماغو قال عنها بأنها مدونة
ممتعة لدرجة إنو يا لطيف, يعني روقا‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ن
أكثر شي يعجبني في دا البني آدم إنو مروق دماغو حتى وهو في السعوديه مشتري راحة دماغو … عايش ولد أمريكاني …. ما يحب العزايم ولا يفكر يحضرها خصوصاً لما تكون من أبو رز
ولحم … ويحب الخروج المحصور على أفراد العائله فقط والدته و إخوته ( هادا لو فكر يخرج أو يطب شارع من شوارع جده )
و أكتر أوقات جلوسه في البيت تكنولوجيه يعني طوال ماهو صاحي في البيت جالس عالكمبيوتر بدون مبالغه
طبعاً حاولت كتير أهاجر معاه على الأقل أكمل دراستي بسلام لكن الظروف ما سمحت و أكيد إني ماراح أستسلم
و أخيراً أتمنى من إللي يزور مدونته ما يتفاجئ من الأسلوب و الكلمات و يحاول يروق دماغو قبل ما يزورها عشان لا يترفع ضغطته (( أمزح ))
روقا‘‘‘‘‘‘‘‘‘‘‘‘‘‘‘‘ن
شوفي الفرق بين الصور إللي أنا حاططها واللي إنتي حاطتها
كلها روقان بس وحدة فرحانة و الباقيين زعلانين!!
(عشان لا يترفع ضغطته)
والله؟!!
طيب طيب, خليني ساكت بس!!
أشكرك على الإعلان
و الله يبارك فيكي
على فكرة, أنا مرشح من قبل كل التلاتة المدرسين و وحدة مسؤولة في الجامعة, يعني ولد واصل!
را‘‘‘‘‘‘‘‘‘يق
المهم, لا تنسي تشيكي على المدونة بين كل فترة و التانية. عشان الوحشة بس!
أقصد النم نم
سلام
طبعاً أكيد لازم تغير الصور إللي عندك عشان لا يترفع ضغطي
سلام
يا بنت حلوة لازم أخليها
مافي خلاص أنا قلت غيرها
يمكن
بس لأ
إحتمال
بس لأ